Subject | خاين ...!! |
From | 4ever |
Sent | Wednesday, April 21, 2010 1:56 PM |
شريد اكلك وانت بايعني
وياكلام الي يفيد وياك
غفلان جنت عنك
واكل ناس شاريني
واثاريني جنت نايم
لو مريض بحبك اهذري
وسفه رماني الوكت وياك
وياحيف ع القلب حبك
انت ماتستاهل كل هذا الحنان
انت خاين والغدر طبعك
روح بلاندامه الله وياك
روح للغيرك عني
جنت من اسمع اسمك
عيد وفرح يصير يمي
ومن تمر كدامي انت
اسب عيني جي زين
ماشوفتني
تخيلت ملاك وكلت
لا ماتخون
شجالك بهل سهوله
انت تخدعني
Subject | ابوذيات حزينة |
From | الحزين29 |
Sent | Tuesday, April 20, 2010 3:55 PM |
قدر مكتوب حبك منت قسمه
الواحد ماله قسمه من تقسمه
لون بسيوف كلبي من تقسمه
تشوف محبتك شمسويه بيه
اليالي شهود اذا ناسي وعينك
بلكي تعود للماضي وعيدك
شعلت شموع ميلادك وعيدك
وفرحت وياك رغم الجرح بيه
حنانك ماوصل مره لحناني
قسى كلبك كسر هجرك حناني
اذا شموع الفرح يمك حنه اني
الشموع تذوب وجفوفك بديه
احسك ذاك منت ولاهو اني
ولا ذاك الهويته ولاهو اني
التهيت بغيري انت ولاهو اني
بغيرك ما افكر للمنيه
يروح الي نوده من علينا
ونسب كلمن حرمنا ومن علينا
منو ويانا ياروحي ومن علينا
تاهت ياروحي كلهه عليه
وضح من الافاعي منقي سمكم
ولا تقسمون كافي من قسمكم
سيف العشره بين من قسمكم
وبين دوركم بالمسرحيه
ابد مو ذاك انت من تمنته
واسف لعداي بين منتمي انته
طلع خاين ياكلبي من تمنته
بعد شمتاني تتلفت عليه
طير الجان برضي عله مني
وياما دروس هجره علمني
رغم جرحه وكول العله مني
روحي الورطتهه انه بديه
جنت يمي وحس الدنيا مالك
ملت للغير لولا الوكت مالك
عليه شغيرك يازين مالك
بس احجيلي طفي النار بيه
Subject | هم مثلي مشتاق.؟؟ |
From | 4ever |
Sent | Thursday, April 22, 2010 9:17 AM |
ادور عليك يل مالك عنوان
واظل انشد كل الناس عنك
وينك مو طول غيابك...
شكثر حلوه دمعتي صايره
يمك
تعال ارجع مو خلص صبري
ومشتاق الك من راسي لحد جدمي
اخذ قلبي بعد شلي شغل بيه
وهاي العين هم خذها وياك.
بس ارجع عاد حبيبي لخاطر الله
مو ماظل صبر عندي..
واذا رايد تعرف حالتي اشلون
وشسوى البعد بيه..
تعال واسال دموعي
هنه يحجنلك عليه..
اظم حزني ع الناس واضحك
بس الناس تعرف حالتي شبيه
لان كل ضحكه بيها الاه تطلع
تعال وشوف شسوى البعد بيه
واذا فعلا تحبني وهم مثلي مشتاق
وينك شو ماتمر عليه...
تكلي وين مكانك حتى انه اجيك
ويابخت هذا يردك عليه..
ويابخت هذا يردك عليه
Subject | جروح الروح |
From | ibooooi |
Sent | Thursday, April 22, 2010 4:44 AM |
جروح هواي بيهه الروح
والجروحه هواي بعد اشترجه من عده
ياجرح التحجي بيه جرح الشوك
لو جرح الوكت الصار ضده
شحجيلك جروح اهواي بيهه روح
من اتعد ترجع تنسه الي تعده
ماادري الزمان اشلون بينه ايدور
ماضل واحد يوكف ابساعة الشده
ولاضن جرح بعد ايطيب
منهذا الزمان اشجاب وشوده
هذا اليود هيج ايصير
حته التوده ايضيع بساعة الشده
شت ضمد ياجرح مجروح
اذا كل جرح بيه اجروح ممتده
عفيه ونفس بيه الروح
مدري اشلون من هالشده تتعده
الف غمه العمر خلصة بالوعات
من كام الرعيع ايفوت يتعده
منقــــــــــــــــــــــــول
تحياتي
Subject | ومضاااااااااااااااات |
From | مملكة الورد |
Sent | Thursday, April 22, 2010 1:49 AM |
بمنام الليل نحلم تونه غافين.....
فزينه ولگينه اعله الدرب جيت؟؟؟
طشينه الجفوف لعين ملگاك....
ما لحگنه بيهه انجيب جگليت!!!
(للشهيد : بارق العاشقي)
خطيه امنه اشگثر تتحمل اهموم ؟؟؟
ومابين المهد واللوح تگعد....
تهز گاروگنه امن اتريدنه انام....
وتهز تابوتنه امن تريد نگعد؟؟!!
(مهند سيد هاشم / البصره)
</I>
Subject | من حبيتك |
From | صدى الأشواق |
Sent | Saturday, April 24, 2010 4:37 PM |
من حبيتك كلشي تغير
حتى البسمة نرسمت بية
وحتى الوجنة تلونت بأحمر
وشفت اشفافي بأسمك تلهج
وعيوني تباوع يمتة تمر
ياغالي وماغيرك يغلى
وحلوى وياك الدنيا من اسهر
ياأروع ماشافت عيني
وحقهه الروح بحبك تقهر
موحب عادي واكدر ابعد
واكدر انسى وعنك افتر
حبك نابت بين ظلوعي
وعايش بية وبية اتبسمر
موحقي من اصبغ شيباتي
ولتلوموني ومن بيه انغر
شفت ارومشه تحاجي ظنوني
ورسمت كلمات على الدفتر
وشفت عيونة تغازل حبي
ومجبور ولازم بيه انغر
وحقي اكباله اتباها بطولي
وبشارعهم كل يوم افتر
Subject | ابوذيات لعيونكم |
From | مملكة الورد |
Sent | Saturday, April 24, 2010 12:08 AM |
تذم بيه وتكول اترك ولك حل
والك واهس علي تقسه والك حيل
كتلك من دست حرجي ولك حيل
لكن بالهجر تجني عليه
سهم الدهر بين احشاي ينشل
جرحني والجرح هيهات ينشل
اريد النعش بيدكم كون ينشال
وتهيلون التراب انتم عليه
:baghdad4ever.net116مما راق لي نقلته لكم:baghdad4ever.net116
