Subject | ابوذيات روعة |
From | حسين الكربلائي |
Sent | Tuesday, April 13, 2010 6:13 AM |
انا بگاروك حبك وانته هزني .. صرت فرصه بحياتك وانتهزني .. انه شجره محبتك وانته هزني .. وخلي الورد يتناثر عليه
يحلو الاطباع واصلني وقارب .. ماعندي اهل غيرك وقارب.. سفينه بالبحر ردتك وقارب.. تشيل الحمل من يثگل عليه
عليك الروح تجذبني واردهه .. لان كلبي نبع صافي وردهه .. شلون تغيب وانته اسمك وردهه .. واردلك بالشعر غصبن عليه
گعدت اروي المدامع اني راوي .. ما اعرف الكتابه وصرت راوي .. حبيت المحله وديرت الراوي .. شجاكم اليوم ما سألتم عليه
كضيت العمر بس ادرس وطالب .. شيفيد اللعب بس اركض واطالب .. صرت تلميذعندي وطالب .. ومن اريد اسئل شايل خشمك عليه
احط لكليبي اجناحات ويروح .. الك يحمل رسايل عتب ويروح .. صفن وسط الجسد روحين وي روح .. تعيش العمر يا مدلل سوية
حياتي عكب شخصك شلي بيها .. وجميع اعضاي صارت شلل بيها .. توديلي رسايل شلي بيها .. اريدن شوفتك والكعدة سوية
سن سيفة الدهر بحشاي سنتين .. واضن باقي من المشوار سنتين .. اخبرك من رصيدي بقن سنتين .. اذا عندك رصيد دك علية
هجرك ياولف صاير بلا حد .. مثل سيف الي يكص ركبة بلا حد .. كلتلي انتظر اني ارجع بالاحد .. اجة الاحد يمتة تعود الية
اشتخسر لو فد ساعة تمرنة .. انشربك جاي ونوكلك تمرنة .. خدم نوكف لون انتة تمرنة .. ونخدمك يابو ذات الوفية
عساني ماعشت لحظة بلاهم .. بلوني الناس ريت الله بلاهم .. سعيد العاش بالدنيا بلا هم .. وانه همومي كثرن شلون بيه
حديقة بعلم رب الكون ظليت .. وعلى درب العلم ياناس ظليت .. شجرة وبس على العاوين ظليت .. وصرت سايق مخدة وجودلية
ردت طيفك يلوح بيوم مالح .. وطعم فركاك صار هواي مالح .. بعد مادز رساله وابد مالح .. لان كلما ادز مترد علية
اتعارك ياحلو لجلك وأطك طك .. وللحساد اذب حرمل وأطك طك .. افرح من تراسلني وأطك طك .. وأطك أصبع بس اسأل علية
ندوخ احنة بدونك يا هوانه .. ومن مااشوفك مااعرف ياهو انه .. گوگل اصيرن الك وياهو انه .. دبليو دوت وتدخل عليه
ليست هناك تعليقات:
إرسال تعليق