Subject | اني ضد هذا التطور |
From | ♥ღملــ♥البنفسج♥ــكةღ♥ |
Sent | Saturday, April 17, 2010 5:25 AM |
اني ضد هذا التطور
صح كبل شارع ترابي بلا رصيف
والصريفه البيه كاعد تمطر المي على كيف
لكن احسن ماجوه التبليط رجلي ولا نمت فوك الرصيف
كبل الحمام بصريفه ردي وبرده وشته وبرده وبابه برده وكنه ماخذنه الرجيف
هسه كيزر ماي حار ودوش عدنه وبالالف واحد نضيف
كبل تنور اهلي طين والصديق يصير اخوي لو عليه مره يضيف
هسه من صار الخبز على الكهرباء ضل يحط عينه على اختي وهو ياكل بالرغيف
مو شريف
لا تكلي انسان رجعي الناس صعدت للقمر ارفض اصعد للقمر حتى لا اصيرن خفيف
كبل خبز شعير ناكل ولو شبع واحد يصدق على الفقير حتى عن ذنبه يكفر
هسه لو طلب خبزه الفقير نتفل بكصته ونكفر
كبل بس فانوس عدنه وجنه كل مغرب نشعله ونصلي ونكبر
هسه لو شعلو علينه الكهرباء حتى شايبنه يصفر
كبل جان الخص كصب وما تزل على الجار عين
هسه طابوك السياج شويه ناصي بصفه كرسي فوكه رجلي ارفع ايدي بس اأشر هيه تطفر
اني ضد هذا التطفر
اني ضد هذا التطور بالحياة
عملو الاف التجارب والبحوث حتى تدخل انضمة وندوز كل الحاسبات
بلكي عدكم حاسبه باحدث نظام تحسب شجم عراقي بلا عشه تعود يبات
صنعو تلفاز ريمونت كونترول حتى محد يتعب بوكت الصلاة
وهو كاعد لو سمع بصوت الاذان وحده يبدل قناة
وما رضو على التفرقه بزي النساء الامريكان
وحده متكبعه بحرير وحده نص ردن وردان
وهسه صممو برده حديثه وحققو بيه التساوي وهسه نصهن عاريات
اني من هذا التطور ما اريد
ما اريد الناطحه تدك بالسحاب حتى لا تعلى العبيد
عدك ايد وعدي ايد
ما اريد بكمبيوتر تنخزن جثة شهيد
كبل طب اعشاب جان يعني لو كلبك يموت تموت كلك ما تفيد
هسه لو كلبك يموت الطب يكلك ما تموت كلب اي تمساح نزرعلك تريد
ولذلك ما اريد
ما اريد شما اكص جف الحرامي يروح يزرع كف جديد
وما اريدن تنغرس نطفه برحم حتى لا ولد الزنا بوكتك تزيد
سحبو بليزر رصاصه يعني نقذو روح واحد بالسويد
وضربو بليزر الف ملجا عراقي وذابت عضام البشر وي الحديد
اني مو ضد التطور اني من هذا التطور ما اريد
ليست هناك تعليقات:
إرسال تعليق