Subject | ليش انت شعجب شاغلني كل يوم |
From | مملكة الورد |
Sent | Saturday, April 17, 2010 3:26 AM |
ليش انت شعجب شاغلني كل يوم
وانه ماصار اعرفك غيرايام
وافكر بيك اكثر ساعةالنوم
ادري شلون ابطل يعني مانام
شعرك لمن اصفن ينرسم ماي
وكلما افكر اشرب يطلع اوهام
وبكصتك شمس وخدودك ورود
وبعينك نبع والكون صيام
عطشانين احسهم ركضو اعليك
يطوفون اعله طولك ناس خدام
وانه مكابر بقيت وخلك يمهموم
ولو يمعود انه اتحمل اعوام
سؤال بكلبي حاير جاوب ارجوك
ليش بمشيتك تحكمنه اعدام
تطاير وراكالناس اشلاء
من تمشي انت جنك نزرع الغام
يل شايل خصرمن الله منحوت
من سواك يمكن ضبه بحزام
واحله من العسل من تضحك تصير
طعم بغداد بيك ونكهة الشام
وحدت الوطن .. هدأت الاوضاع
حبوك المسيح وصبه واسلام
شكتبلك شوصفك مو حرتبيك
بس عينك تخلص درزن اقلام
خايف كلبي مامرتاح ابد حيل
من باجر لان ما اعرف شضام
اخاف تروح اذا خيروك بثنين
ويضل طيفك يمرني بواهس احلام
ذبحني كليبي بيك هواي مشغول
يارقه وترافه وغيمة الهام
ملهم انت واني احتاجك وياي
ما احتاج اذاعه ومصدر اعلام
ليست هناك تعليقات:
إرسال تعليق